Monday 12 March 2007

سيـــن..جيــــم

س - لماذا خُلقت المرأة بكل هذا الجمال؟
جـ - لكي يحبها الرجل


س - ولماذا خُلقت بكل هذا الغباء؟
جـ - لكي تحبه

س - كيف يمارس الرجل الرياضة على شاطيء البحر؟

جـ - يشفط كرشه كلما مرت أمامه فتاة جميلـة

س - كيف يعتبر الرجل نفسه متعاونا في الأعمال المنزلية؟
جـ - بأن يرفع رجليه من على الأرض لتكنس الزوجة تحتهما

*********

س - كيف يفهم الزوج تقسيم المهام مناصفة في أعمال المنزل؟
جـ - الزوجة تطبخ وهو يأكل
الزوجة تكوي الملابس وهو يكرمشها
هي تنظف البيت وهو يوسّخ

س - ما وجه الشبه بين الرجال وإعلانات التليفزيون؟
جـ - مفيش واحدة عاقلة تصدق ده ولا ده

س - لماذا لا يُحسن الرجال التعبير عن أحاسيسهم؟
جـ - وهمّ دول عندهم إحساس ؟

س - ما هي الحالة الوحيدة التي يطلب الرجل فيها من زوجته تناول العشاء في ضوء الشموع؟
جـ - لمّا الكهرباء تنقطع

*********

س - كيف يمكنك التمييز بين هدايا الزوج الودية , وهداياه لما يكون عامل عاملة؟
جـ - الهدايا بتبقى أحلى في الحالة الثانية

س - ما وجه الشبه بين الرجال والطقس؟
جـ - لا يمكن تغيير أي منهم للأفضل

س - ما الفرق بين رجل في الأربعين من عمره و امرأة من نفس السن؟

جـ - المرأة تتمنى أن تنجب طفلا صغيرا لتثبت أنها لا تزال شابة , بينما الرجل يحاول الزواج من طفلة صغيرة لنفس السبب

س - ما وجه الشبه بين الرجل والشهادة الكبيرة؟
جـ - بتضيعي سنين من عمرك علشان تحصلي عليها , وبعدين ما تعرفيش تعملي بيها إيه

س - متى يتذكر الرجل أن المرأة تفتقر للتفكير المنطقي؟
جـ - عندما تختلف معه في الرأي

*********

س - تلاقي فين الراجل اللي ما يبصش لواحدة غير مراته؟
جـ - في القرافة

س - مدير اتعرض عليه ثلاث بنات علشان يختار منهم سكرتيرة , كلهم نجحوا في الإختبار بنفس الدرجات , فقرر يعمل لهم اختبار للأخلاق أعطى لكل واحدة شنطة بها 1000 جنيه , وقال لها الشنطة دى فيها 500 جنيه , روحي البنك أودعيهم في حساب الشركة
أول واحدة لقيت المبلغ زايد .. رجعت الشركة وسألت المدير تعمل إيه
التانية أودعت 500 جنيه ورجّعت 500 للمدير
التالتة أودعت الألف كلهم وجابت وصل الإيداع للمدير
تفتكروا اختار مين؟
جـ - اللي لابسة ميني جيب

س - ما الفرق بين الإرهابي وامرأة ثائرة؟
جـ - يمكنك التفاوض مع الإرهابي

*********

2 comments:

كلام لوجيك said...

بوست رائع للغاية وخفيف ودسم فى نفس الوقت
شويى حركات وافعال زوجية من الاخر
يعجبنى انك واخده طريق معين فى الكتابة ومركزه على مجال واحد بس
عشان كده انا من المتابعين الدائمين والقراء المخلصين ليكى

بس احلى حاجه كتبتيها قصة الفرق بين المرأة والارهابى
وانا متفق معاكى فيها لأقصى حد
وبهذه المناسبة احب ان ادعوكى لقراءة موضوع فى مدونتى باسم
كيف تتخلص من زوجتك المزعجة
على هذا اللينك
http://picsstation.blogspot.com/2007/02/blog-post_28.html

تحياتى

khaled said...

ههههههههههه
ايه ده كله
تحفة و الا بتاعة الريموت كنتول دى
وقعني حظي العفش في قعدة ستاتي
نسوان كمالة عدد وعقلهم فاضي
مغيرين طبعهم وملونين وشهم
وكل شيء عندهم .. ماشي وشيء عادي

واللي يشوف كدبهم .. حيبان له من شكلهم
إن البعيد جدهم .. كان أصله قرداتي

راكبين شبح وعيون .. ومعلقين محمول
سارحيين وسايبين طور .. في البيت قاعد مسطول ..
ع الحال دا ليلاتي

وعيالهم المساكين تاهوا مع التايهيين
نص النهار نايميين والسهرة في الديفيليه
والديسكو والنادي

عاملين لي جمعيات .. اشي سيدات أعمال
واشي سيدات راس مال والبلوه في الآتي

بعقول مخاصمة النور .. كتبت يفط بتقول
على وشها الملعون .. احنا فري وسبور
ونظامنا خواجاتي

توب الحيا مقلوع .. والقعدة في الممنوع
لو كنت ألاقي دموع .. لابكي بصوت مسموع ..
واختمها بصواتي

يا بؤرة المجتمع .. انس وشيطان اجتمع
زيدوا كمان في الدلع .. مات فيكوا حس السمع
على إيه بقى نهاتي ؟؟!

بزنس ع المكشوف وتعالى عاين شوف
آه لو أكون مسئول أو كنت يوم قاضي

لحكم عليهم أنا .. بالسجن خمسين سنة
واللي على ذمته .. إعدام عشان حضرته
على خيبته كان ماضي

يادي المرار والقلق .. صوتي يا خلق اتخنق
رجالة صبحت ورق .. شنبات و ع الفاضي

يا اهل الأصول والقول .. اصحوا بقى من النوم
ده الشرع والمعقول .. بيزين طباع وعقول
يا خسارة يا بلادي

عايزين شوية حمم .. علي ما ليهم ذمم
بيلبسونا العمم .. أولاد أبالسه ورمم
بيضللوا (بناتي)

قادر يزيح همهم .. يبعدنا عن شرهم
لا طبعنا طبعهم .. ولا كنا يوم منهم
دول بلوه يا خواتي

طبع النسا عندنا .. بين طاهرة أو مؤمنة
عارفين حدود ربنا .. تلقى في نور وجهنا
ضي الرضا بادي

يعني الخلاصة بقول ... لو النسا بردون
يفلت عيارها يوم .. حتضيع عادات وأصول
وربنا الهادي

قصيدة ايمان بكرى